ey-uk-flag-2023-10-051

İngilis dilinə keçid

ey-az-flag-2023-10-051

Azərbaycanda dilinə keçid

EY İlin İş Adamı müsabiqəsi Azərbaycanda

EY İlin İş Adamı öz cəmiyyətində, ölkəsində və dünyada həyat keyfiyyətini yaxşılaşdırmaq üçün çalışan, liderlik bacarığı nümayiş etdirən şəxslərin sahibkarlıq nailiyyətlərini tanıyan qlobal bir proqramdır.

Ərizənin təqdim edilməsi üçün son tarix 30 dekabr 2025-ci ildir

İndi müraciət et

Namizədlik ərizəsini yüklə

Proqram 35 ildən çoxdur ki, təsis edilib və bu gün dünyanın 60-dan çox ölkəsinin 145 şəhərində təşkil olunur.2019-cu ildən etibarən, EY İlin İş Adamı (EOY) müsabiqəsi Azərbaycanda da keçirilir. Proqramın məqsədi yerli sahibkarları layiqincə qiymətləndirmək, dəstəkləmək və birləşdirməkdir. EY İlin İş Adamı müsabiqəsi Azərbaycan cəmiyyətinə və iqtisadiyyatına müsbət təsir göstərən uğurlu sahibkarları və onların töhfələrini tanıyır.

EY İlin İş Adamı müsabiqəsində iştirak etməklə sahibkarlar öz həmkarları ilə əlaqə qura, bizneslərini böyütmək üçün yeni yollar kəşf edə, şirkət və komanda profillərini yüksəldə bilərlər. Milli mərhələnin qalibi Monakoda keçiriləcək nüfuzlu Dünya Üzrə EY İlin İş Adamı Yarışında Azərbaycanı təmsil etmək imkanını əldə edirlər.

Bu il EY “İlin İş Adamı” müsabiqəsi sahibkarlar və sənət ustaları arasında bir çox oxşarlıqları üzə çıxaran “The Shapers” mövzusuna həsr olunub. Mövzu seçimində əsas məqsəd uyğun paralellər aparmaqla hamımız üçün daha inamlı gələcək quran sahibkarların nailiyyətlərini tanımaq və layiqincə qiymətləndirməkdir. Uğursuzluqlara, çətinliklərə və risklərə baxmayaraq sahibkarlıq ruhunu üstün tutan və yollarına davam edən iş adamları cəsarətli ambisiyalarını reallaşdırır və hər addımlarında ustalıq nümayiş etdirirlər.
Biznes nəqqaşlıq ustalığı olan batikaya bənzəyir – bu incə sənət dəqiqlik və səbir tələb edən, unikallıq və yüksək peşəkarlıqla seçilən yaradıcılıq nümunələrinin yaranmasına yol açır.

EY İlin İş Adamı 2026 - Məlumatlandırıcı broşür

Azərbaycan üzrə EY İlin İş Adamı müsabiqəsinin qalibləri

EY İlin İş Adamı proqramı Azərbaycanda sahibkarlığın təşviq edilməsinə böyük əhəmiyyət verir və iş adamlarına bizneslərini ölkə daxilində, habelə onun hüdudlarından kənarda inkişaf etməsində dəstək göstərir. EY İlin İş Adamı müsabiqəsi qələbə qazanan iştirakçıların milli və beynəlxalq səviyyədə tanınması ilə yanaşı, onlara həm də böyüyən, 500-dən çox güclü EY İlin İş Adamı məzun icması (keçmiş və cari ilin finalçıları) daxilində əvəzsiz bir şəbəkə qurmaq və biznesləri üçün yeni inkişaf yolları kəşf etmək imkanı yaradır.

Beynəlxalq miqyasda ən nüfuzlu biznes mükafatlandırma proqramlarından biri kimi tanınan İlin İş Adamı müsabiqəsi hər ölkənin ən yenilikçi biznes liderlərini qiymətləndirir.

Mükafatlandırma prosesində iştirak etməklə müştəri, tərəfdaşlıq, birgə müəssisə və ya digər inkişaf imkanlarının axtarışında olan həmkarlar, sponsorlar, münsiflər və qonaqlar ilə əlaqələr yaradaraq brendinizin daha yaxşı tanınmasına kömək etmiş olacaqsınız. Proqram şirkətinizi perspektivli investorlar, işçilər və müştərilər üçün daha açıq edir, nailiyyətlərinizi qeyd etməyə və komandanın töhfələrini açıq şəkildə nümayiş etdirməyə imkan verir.

İlin İş Adamı proqramı finalçıların və qaliblərin yerli bazarda və xaricdə tanınmasına yol açır və bu da onlara aparıcı işgüzar adamlarla əlaqə yaratmağa kömək edir. Bu, sadəcə bir mükafat deyil – bu, tədbirlərə qoşulmaq, mediada işıqlandırılmaq və müxtəlif səviyyələrdə çıxışlar etmək imkanı verən liderlər icmasıdır.

Proqramın milli mərhələlərinin qalibləri Monte Karloda keçirilən müsabiqədə EY Dünya Üzrə İlin İş Adamı adı uğrunda yarışacaqlar.
Namizəd şirkətin ideya müəllifi və əsas maliyyə investoru olmalıdır. (Ailə biznesini davam etdirən şəxslər müsabiqədə iştirak edə bilməzlər).
Namizədin şirkətdəki payı minimum 20% təşkil etməlidir.
Son iki ildə şirkətin dövriyyəsi ən azı bir maliyyə ili üzrə 300,000 AZN-30 milyon AZN aralığında olmalıdır.
Şirkət ən azı iki il fəaliyyət göstərməlidir.
Şirkətin ən azı 5 rəsmi qeydiyyata alınmış işçisi olmalıdır
“EY İlin İş adamı” müsabiqəsinin bütün finalçıları və qalibləri müstəqil münsiflər heyəti tərəfindən aşağıdakı meyarlarla uyğunluq baxımından qiymətləndirilirlər.

Qiymətləndirmə meyarları balanslaşdırılmış struktura malikdir, yəni hər hansı fərdi meyar digər meyardan üstün deyil. Meyarlar EY şirkətinin “daha yaxşı iş dünyası qurmaq” məramını nəzərə alaraq işlənib hazırlanmışdır. Bu məram uzunmüddətli dəyərin yaradılmasını qiymətləndirmə prosesinin ən vacib amilinə çevirir.

EY uzunmüddətli dəyər yaradan sahibkarların nailiyyətlərini tanıyaraq, Şirkətin dəyərlərini bölüşən və dünyanı daha yaxşı məkana çevirən sahibkarlarla əlaqələri gücləndirir.

Sahibkarlıq ruhu

İnnovasiyalar yaratmaq və daha yaxşı iş dünyası qurmaq imkanlarını müəyyən edir.
Baxışını həyata keçirmək üçün risk edir.
Əhəmiyyətli maneələrlə üzləşdikdə əzmkarlıq, qətiyyət və möhkəmlik nümayiş etdirir.

Məqsəd

Özü və təşkilatı qarşısında ruhlandırıcı məqsəd və baxış müəyyən edir.
Dayanıqlı gələcək fəaliyyət üçün strategiyalar irəli sürür.
Maraqlı tərəflər və ekosistemlər (məsələn, istehlakçılar, işçilər, təchizatçılar, hökumət, icmalar, investorlar və səhmdarlar) üçün uzunmüddətli perspektivdə dəyər yaradaraq onu qoruyur.

İnkişaf

Bazardakı payını artırır, yeni bazarlara daxil olur.
Müsbət maliyyə nəticələrinin əldə edilməsinə təkan verir.
Müxtəlif istedadların cəlb edilməsi, inkişafı və şirkətdə saxlanılması üçün səylər göstərir.
Yeni yanaşmalar və texnologiyaları təşviq edən innovasiyalar mədəniyyətini qurur .

Təsir

Xidmət göstərdiyi müştərilərə müsbət təsir edir.
Öhdəliklər və icra planları tətbiq etməklə strategiyalarına Ekoloji, Sosial və Korporativ idarəetmə təcrübələrini inteqrasiya edir.
Müxtəlif istiqamətlər üzrə müxtəliflik və inklüzivlik prinsiplərinə önəm verir.
İlin İş Adamı müsabiqəsinə qatılan namizədlər sahibkarlardan, dövlət korporasiyalarının top menecerlərindən və beynəlxalq maliyyə qurumlarını təmsil edən idarəçilərdən ibarət müstəqil münsiflər heyəti tərəfindən qiymətləndirilir.

Münsiflər tərəfindən qiymətləndirilən amillər:

Yüksək liderlik bacarığı və müvəffəq olmaq üçün güclü istək
İşgüzar münasibətlərdə dürüstlük və şəffaflıq
Komanda işinin dəyərini anlamaq, eyni zamanda müstəqil düşünmə qabiliyyətinə malik olmaq
Biznes modellərinə, iş mədəniyyətinə və ya proseslərinə innovativ baxış və yanaşmalar
Milli və potensial olaraq dünya bazarlarına təsir göstərmək bacarığı
Bazarda yeni iş yerləri yaratmaq və iqtisadiyyatın inkişafına töhfə vermək
Məqsədyönümlük, cəmiyyətdə və ətraf mühitdə müsbət dəyişiklikləri dəstəkləmək, o cümlədən cəmiyyətə xeyriyyəçiliklə töhfə vermək
Təşkilatın strukturlarını və proseslərini optimallaşdırmaq üçün peşəkar fəaliyyətində mükəmməllik və yüksək standartları nümayiş etdirmək
Strateji ittifaqlar qurmaq və özlərini istedadlı insanlarla əhatə etmək; öz biliklərini bölüşərək və başqalarına dəstək göstərərək sahibkarlıq yetkinliyini nümayiş etdirmək
Əfqan İsayev
Vitse-prezident, SOCAR

Aliyə Əzimova
Beynəlxalq Maliyyə Korporasiyasının ölkə üzrə rəhbəri

Mir Camal Paşayev
Direktorlar Şurasının sədr müavini, Paşa Holdinq

Qustaf Nobel
Direktor, Conversus

Teybə Quliyeva
"Societe Generale” Korporativ və İnvestisiya Bankının regional nümayəndəsi
Məqsədyönlü və qabaqcıl sahibkarların ambisiyaları onları yeni zirvələrə doğru aparır. EY İlin İş Adamı müsabiqəsinin 2020-ci , 2021-c i, 2022-c i, 2023-cü, 2024-cü, 2025-ci və 2026‑cı illər üzrə namizədləri ilə tanış olun.
Müsabiqədə iştirak etmək üçün, tələb olunan sənədləri vaxtında təqdim etdiyinizə əmin olun. Aşağıdakı sənədlər təqdim edilməlidir:

Son İki İl üçün Şəxsi Hesab Vərəqəsi
Son İki İl üçün Mənfəət Zərər Bəyannaməsi
Nizamnamə Kapitalı (reyestrdən çıxarış)
Kim iştirak edə bilər?

Siz Azərbaycan vətəndaşı olmalısınız və şirkətiniz Azərbaycanda müvafiq dövlət orqanında qeydiyyatdan keçməlidir. Bütün digər uyğunluq meyarlarına cavab verməlisiniz (“Uyğunluq meyarları” bölməsinə baxın).

Şirkətim xarici şirkətin Azərbaycandakı rəsmi nümayəndəliyi və ya filialıdırsa, iştirak mümkündürmü?

Xeyr, proqramda yalnız Azərbaycanda yaradılmış və qeydiyyatdan keçmiş şirkətlər iştirak edə bilər.

İştirak meyarlarına uyğun olması üçün şirkətin müəyyən bir müddətdə bazarda fəaliyyət göstərməsi tələb olunurmu?

Şirkətiniz 2026-cı ilin yanvarına kimi bazarda ən azı iki il fəaliyyət göstərməlidir.

Pul mükafatı varmı?

Xeyr, pul mükafatı təklif edilmir. Lakin milli yarışmanın qalibi 2026-cı ilin iyun ayında Monakonun Monte-Karlo şəhərində keçiriləcək EY Dünya Üzrə İlin İş Adamı tədbirində Azərbaycanı təmsil edəcəkdir.

İştirakın başqa faydaları nələrdir?

Bu proqram dünyanın sahibkarları arasında ən nüfuzlu yarış hesab olunur. Müsabiqənin qalibləri milli və beynəlxalq işgüzar dairələrdə tanınacaq, brend və bizneslərini təşviq edə biləcəklər, onların fəaliyyəti media tərəfindən işıqlandırılacaq.

Proqramda iştirak üçün necə müraciət edə bilərəm?

Proqrama müraciət etmək üçün son 2 il üzrə vergi üzləşdirmə vərəqəsi və maliyyə hesabatları ilə birlikdə ərizə formasının imzalanmış nüsxəsini qeyd olunan elektron ünvana göndərməlisiniz: eoy@az.ey.com. Sonra ərizənin əsl nüsxəsi poçtla aşağıdakı ünvana göndərilməlidir: Azərbaycan, Bakı, AZ1010, Neftçilər prospekti 153, Port Baku Tauers Biznes Mərkəzi, Cənub Qülləsi, 9-cu mərtəbə

Ərizənin verilməsi ilə bağlı hər hansı sual və ya problem yaranarsa müraciət edə biləcəyim kimsə varmı?

Ərizə forması ilə bağlı hər hansı sualınız və ya probleminiz yaranarsa +994124907020 nömrəsinə zəng edərək Nərmin Quliyeva ilə əlaqə saxlaya bilərsiniz. Bütün suallarınızı cavablandırmağa hazırıq.

WEOY 2022
WEOY 2023
WEOY 2024
WEOY 2025

Komandamız

İlqar Vəliyev

EY şirkətinin Azərbaycan üzrə idarəedici partnyoru

İqtisadi mühitdə baş verən hadisələri dərindən anlayır, Azərbaycanda investisiya iqliminin təkmilləşdirilməsinə yönəlmiş müxtəlif layihələrdə iştirak edir.

Baku, Azerbaijan

Nərmin Quliyeva

EY İlin İş Adamı proqramının Azərbaycan üzrə meneceri

Yerli biznes icmasına qoşulmaqda və töhfə verməkdə sahibkarlara kömək edir.

Baku, Azerbaijan

Baş sponsor
Sponsor
Tərəfdaşlar
Media tərəfdaşları

eoy-sponsors-en-az-abb

ey-eoy-sponsors-en-bp

EY EOY Partners

APFM and Finansist

Suallarınızı bizə ünvanlandırın

Bizimlə əlaqə

EOY Azerbaijan Assistant Bot EOY Azerbaijan Telegram Channel

EY refers to the global organization, and may refer to one or more, of the member firms of Ernst & Young Global Limited, each of which is a separate legal entity. Ernst & Young Global Limited, a UK company limited by guarantee, does not provide services to clients.